अछाम ।
अछामको प्रतिनिधि सभा क्षेत्र नम्बर १ बाट डा. भीम रावलको नाम एकल सिफारिस भएको छ । नेकपा एमाले जिल्ला कमिटी सचवालय सदस्य तथा संगठन विभाग प्रमुख प्रकाश शाहको अध्यक्षतामा बसेको अछाम क्षेत्र नम्बर १ प्रतिनिधि सभा क्षेत्रीय समन्वय कमिटीको बैठक आगामी मंसिर ४ गते हुने प्रतिनिधि सभा सदस्यको उम्मेदवारका लागि एकल उम्मेदवार सिफारिस गर्ने निर्णय गरेको हो ।
आगामी मंसिर ४ गते हुने निर्वाचनको लागि प्रतिनिधि सभा तर्फ रावलको एकल नाम सिफारिस गरिएको नेकपा एमाले अछामले जनाएको छ ।
नेपाली कांग्रेसका भरत कुमार स्वारलाई हराउँदै रावल अघिल्लो पटक निर्वाचित हुनु भएको थियो । रावलले २४ हजार ८ सय ८३ मत प्राप्त गर्दा स्वाँरले १७ हजार ७ सय १९ मत ल्याउनु भएको थियो ।
प्रदेश सभाका लागि क्षेत्र नम्बर १ को ‘क’ बाट प्रकाश शाह, देव बहादुर कुँवरको नाम सिफरिस गरेको छ । प्रदेश सभा सदस्य समानुपातिका लागि जंग बि.क., सागर सिंह बाब्ली, दुधकला बिष्ट, शुशिला बोगटी, राधिका भुजेल र केशर मियाँको नाम सिफारिस गरीएको छ।
प्रदेश सभाका लागि क्षेत्र नम्बर १ को ‘ख’ बाट कृष्ण प्रसाद जैशी, केशर बहादुर साउँद, डीबी साउँद र पद्मा तिमिल्सिना न्यौपाने सिफारिसमा पर्नु भएको छ ।
यसै गरी अछाम २ बाट पनि अघिल्लो पटक निर्वाचित भएका यज्ञ बहादुर बोगटीको नाम एकल रूपमा सिफारिस गरिएको छ । क्षेत्र नम्बर २ मा प्रदेश सभा तर्फ ‘क’ बाट ७ जना र ‘ख’ बाट ८ जना गरी १५ जनाको नाम सिफारिस गरीएको छ ।
अछाम क्षेत्र नम्बर २ ‘क’ बाट प्रत्यक्ष तर्फ बम बहादुर बिसी, भीम बहादुर विष्ट, कमल रावल, बल बहादुर कुँवर, नन्द चलाउने, प्रेम खत्री र शिद्धा देवी शाहीको नाम सिफारिस गरीएको छ ।
यस्तै अछाम क्षेत्र नम्बर २ को ‘ख’ बाट शिव प्रसाद उपाध्याय, चन्द्र बोहरा, भीम रावल (कालोटोपी), दीपक अधिकारी, भीम जनला, कृष्ण साउँद, लीलाराज केसी र टोप बहादुर शाहीको नाम सिफारिस गरिएको एमाले अछामका सचिव भिम रावल कालोटोपीले जानकारी दिनु भयो ।
