अछाम।
वाक नेपालद्धारा संचालित सामाजिक विकासका लागि महिला सशक्तिकरण कार्यक्रमको समन्वयात्मक बैठक साँफेबगर नगरपालिका वडा नम्बर १० घुघुरकोटमा सम्पन्न भएको छ। वडामा रहेका पिछडिएका तथा पछि परेका महिला तथा बालबालिकाको सामाजिक, आर्थिक क्षमता बृद्धि विकास गर्ने उद्धेश्यले सामाजिक विकासका लागि महिला सशक्तिकरण कार्यक्रम संचालन गरिएको हो।
शुक्रबार साँफेबगर नगरपालिका वडा नम्बर १० घुघुरकोटका वडा अध्यक्ष ललित बोगटीको अध्यक्षतामा भएको समन्वयात्मक बैठक मार्फत परियोजनाको विस्तृत जानकारी तथा अहिलेसम्म भए गरेका क्रियाकलापहरुको समिक्षा गरिएको थियो। साथै बैठक मार्फत नवनिर्वाचित जनप्रतिनिधिहरुलाई बधाई समेत ज्ञापन गरिएको थियो।
बैठकमा बोल्दै वडा अध्यक्ष बोगटीले कार्यक्रमको उद्धेश्य राम्रो रहेकाले आफूहरु वडाबाट गर्न सकिने सहयोग गर्न तयार रहेको बताउनु भएको छ। उहाँले सबै टोलमा गठन भएका आत्मनिर्भर समुहलाई प्रभावकारी बनाउन आवस्यक रहेकाले सबैको सहयोग महत्त्वपूर्ण हुने बताउनु भयो।
बैठकमा परिचयात्मक कार्यक्रममा वडा सदस्य भुपेन्द्र बहादुर महता, मथुरा देवि बिक, उर्मिला देवि खड्का, हस्त बहादुर भुल, नेकपा एमालेका शिव खड्का, नेपाली कांग्रेसका महेश परियार, नेकपा माओवादी केन्द्रका गंगा रावत, वडा सचिव तर्कराज जोशी, घुघुरकोट स्वास्थ्य चौकीका इञ्चार्ज बम प्रसाद भट्ट, वाक नेपालका कार्य समिति सदस्य मीन बहादुर कुँवर, वाक नेपालका चक्र कुँवर, वाक नेपालद्धारा संचालित सामाजिक विकासका लागि महिला सशक्तिकरण कार्यक्रमका अधिकृत सत्य स्वार, परियोजनाका लेखापाल पुजा साउँद, सामाजिक सहजकर्ता राजेन्द्र बिक, विभिन्न टोलमा गठित आत्मानिर्भर समुहका पदाधिकारीहरुको सहभागिता रहेको थियो।
बैठकको संचालन सामाजिक विकासका लागि महिला सशक्तिकरण कार्यक्रमका सहजकर्ता अप्सरा बुढा महताले गर्नु भएको थियो।
