साँफेबगर ।
बाम गठबन्धनको तर्फबाट साँफेबगर नगरपालिकाको नगर प्रमख पदका उम्मेदवार तथा नेकपा एमालेका जिल्ला कमिटी सचिवालय सदस्य पशुपति कुँवरले नगरपालिकालाई हिंशा मुक्त नगरपालिका बनाउने योजना रहेको बताउनु भएको छ ।
साँफेबगर नगरपालिका वडा नम्बर ११ देवीस्थानमा घर दैलो पछि चुनावी सभामा बोल्दै कुँवरले हरेक क्षेत्रको विकासका लागी सबै भन्दा पहिले हिंशा रहित समाज निर्माण हुन आवश्यक रहेको बताउनु भयो। नगरपालिकामा महिला मतदाताको संख्या बढी रहेको भन्दै रहेक निर्वाचनमा महिलाको मतले जित्दै आएका जनप्रतिनिधिहरुले महिलाका सवालहरुलाई वेवास्था गर्दै आएको आरोप लगाउने भयो।
कुँवरले महिला, दलित, विभिन्न वर्ग क्षेत्रमा हुँदै आएको विभेद र हिंशा अन्त्यका लागि आफ्नो विशेष पहल रहने बताउनु भयो। उहाँले आफूलाई सूर्य चिन्हमा मतदान गरेर विजयि गराउन समेत आग्रह गर्नु भयो। उहाँले बेरोगारी समस्यालाई निर्मूल पार्नको लागि पालिकामा सीपमूलक तालिम देखि लिएर रोजगारीका सवालमा गम्भीर भएर लाग्ने प्रतिवद्धता समेत जनाउनु भएको छ। घर दैलो कार्यक्रममा नेकपा एमाले सुदूरपश्चिम प्रदेश कमिटी सदस्य हर्क बहादुर कुँवर (गोविन्द) विशिष्ठ अतिथि मिन बहादुर कुँवर, नृप सुनार, जयन्द्र बहादुर स्वार, जंग बि.क., नेकपा एमाले जिल्ला कमिटी सचिवालय सदस्य तथा संगठन विभाग प्रमुख प्रकाश शाह, नेकपा एमाले जिल्ला कमिटी सदस्य हिरिण्ड कुँवर, राधिका भुजेल, बाम गठबन्धनको तर्फबाट उपप्रमुख पदका उम्मेदवार रंग बहादुर ठकुल्ला, नेकपा माओवादी केन्द्रका जिल्ला समन्वय सदस्य गंगा रावत, वडा अध्यक्ष पदका उम्मेदवार राम बहादुर बोहरा, एमालेका नेता लक्ष्मण खड्का, रुप ओड, गगन सिंह बोहरा, अनेरास्ववियुका जिल्ला कमिटी सचिव भिम बडाहित, वडा सदस्य पदका उम्मेदवार लगाएतका नेता कार्यकर्ताहरुको सहभागिता रहेको थियो ।
कार्यक्रम वडा कमिटी अध्यक्ष भिम बहादुर खड्काको अध्यक्षतामा भएको थियो। वडा कमिटी उपसचिव लक्ष्मण बोहरनले स्वागत मन्तव्य राख्नु भएको कार्यक्रमको संचालन नेकपा एमाले वडा कमिटी सचिव रेबन्त बिष्टले गर्नु भएको थियो ।
यस्तै नेकपा एमाले र माओवादीको संयुक्त बाम गठबन्धनको घर दैलो तथा चुनावी सभा साँफेबगर नगरपालिका वडा नम्बर १० घुघरकोटमा पनि सम्पन्न भएको छ। नेकपा एमाले वडा कमिटी अध्यक्ष गोपाल भाटको अध्यक्षतामा भएको कार्यक्रममा नेकपा एमाले जिल्ला कमिटी सदस्य शंकर भुल, पूर्व जिल्ला कमिटी सदस्य शिव खड्का, लक्ष्मण खड्का, खडक कुँव, नगर कमिटी सचिव तथा वडा अध्यक्ष पदका उम्मेदवार ललित बोगटी, वडा सदस्य पदका उम्मेदवार भुपेन्द्र महता, प्रवासि नेपाली संघ भारत गजरात राज्य समिति उपाध्यक्ष सोमराज बडाहित, दक्षिण मुम्बई नगर समिति सदस्य पुरन भुल, युवा संघका जिल्ला सदस्य राज कुँवर लगाएतका नेता कार्यकर्ताहरुको उपस्थिति रहेको थियो।
वडा कमिटी सचिव कालु बि।क।ले स्वागत मन्तव्य राख्नु भएको कार्यक्रमको संचालन अनेरास्ववियुका जिल्ला कमिटी सचिव भिम बडाहितले गर्नु भएको थियो।
