अछाम।
नेकपा एमाले साँफेबगर नगरपालिका वडा नम्बर ९ बुढाकोटको बैठक सम्पन्न भएको छ। बैठकले आसन्न बैशाख ३० गते हुने स्थानीय तहको निर्वाचनमा अध्यक्षका लागि नाम सिफारिस गरेको छ।
बैठक मार्फत वडा अध्यक्षताका लागि अर्जुन कुँवर, जानकी देवी साउँद, झप्पर थापा, दिपक कुँवर, धु्रर्व बहादुर थापा, नर बहादुर कुँवर, पुष्पराज भट्ट, मोति थापा र सर्जन परियारको नाम सिफारिस गरेको छ। वडा कमिटी अध्यक्ष झप्पर थापाको अध्यक्षतामा भएको बैठकका प्रमुख अतिथि नेकपा एमाले जिल्ला कमिटी सदस्य तथा युवा इन्चार्ज दिपक कुँवर रहनु भएको थियो।
यस्तै बैठकका विशिष्ठ अतिथि नेकपा एमाले जिल्ला कमिटी सदस्य पुष्पराज भट्ट रहनु भएको थियो। बैठकमा जिल्ला कमिटी सदस्य रामप्यारी कुँवर, नगर कमिटी सचिवालय सदस्य अर्जुन कुँवर, लमधर भट्ट, नगर कमिटी सदस्य भक्त कुँवर, मोहन बि.क., कंश साउँद लगाएतका नेता कार्यकर्ताहरुको उपस्थिति रहेको थियो।
वडा कमिटी उपाध्यक्ष सर्जन परियारले स्वागत मन्तव्य राख्नु भएको बैठकको संचालन वडा कमिटी सचिव नृप बि.क.ले गर्नु भएको थियो।
