साँफेबगर ।
नेकपा एमालेको आयोजना अगुवा कार्यकर्ता भेला तथा प्रशिक्षण कार्यक्रम साँफेबगरमा सम्पन्न भएको छ। नेकपा एमाले साँफेबगर नगर कमिटीद्वारा आयोजित अगुवा कार्यकर्ता भेला तथा प्रशिक्षण कार्यक्रम साँफेबगरमा सम्पन्न भएको हो।
अगुवा कार्यकर्ता भेला तथा प्रशिक्षण कार्यक्रम मार्फत पार्टी सदस्यता नवीकरण गर्ने, नयाँ सदस्यता विस्तार र सबै वडा कमिटीका भेला गर्ने निर्णय गरिएको छ।
नेकपा एमाले साँफेबगर नगर कमिटी अध्यक्ष ढकेन्द्र कुँवरको अध्यक्षतामा भएको अगुवा कार्यकर्ता भेला तथा प्रशिक्षण कार्यक्रमका प्रमुख अतिथि नेकपा एमाले केन्द्रीय कमिटी सदस्य तथा अछाम जिल्ला इन्चार्ज लाल बहादुर थापा रहनु भएको थियो।
यस्तै अगुवा कार्यकर्ता भेला तथा प्रशिक्षण कार्यक्रममा नेकपा एमाले सुदूरपश्चिम प्रदेश कमिटी सदस्य चक्र बहादुर रावल र दुधकला बिष्ट, नेकपा एमाले जिल्ला कमिटी अध्यक्ष चन्द्र बहादुर बोहरा, प्रदेश लेखा समिति सदस्य बालगिरी कुँवर, जिल्ला कमिटी सचिव भिम रावल कालोटोपी, राष्ट्रिय प्रतिनिधि परिषद सदस्य डिवि साउँद, उपभोक्ता हित तथा सुशासन विभागका सदस्य देव बहादुर कुँवर, संगठन विभाग प्रमुख प्रकाश शाह, जिल्ला कमिटी सदस्यहरु, विभिन्न संगठनका पदाधिकारीहरुको सहभागिता रहेको थियो।
अगुवा कार्यकर्ता भेला तथा प्रशिक्षण कार्यक्रमको संचालन नेकपा एमाले साँफेबगर नगर कमिटी सचिव ललित बोगटीले गर्नु भएको थियो।
