साँफेबगर ।
लायन्स क्लब अफ साँफेबगरले आयोजना गरेको छैठौं साँफेबगर महोत्सवको आयव्यय सार्वजनिक गरिएको छ। बुधबार लायन्स क्लब अफ साँफेबगरका अध्यक्ष कृष्ण कुँवरको अध्यतामा बसेको बैठकले सार्वजनिक सुनुवाई गर्दै छैठौं साँफेबगर महोत्सवको आयव्यय सार्वजनिक गरेको हो।
छैठौं साँफेबगर महोत्सवको आयव्यय सार्वजनिक गर्ने क्रममा आय तर्फ बैंक तथा वित्तिय संस्थाबाट ५ लाख ८५ हजार, साँफेबगर स्थित कम्पनिहरुबाट १ लाख ७४ हजार, धनगढीबाट चन्दा संकलन ३ लाख ११ हजार ५०, अछामबाट चन्दा संकलन ३ लाख ७४ हजार, टिकट र सिजनल पासबाट संकलन गरिएको रकम २३ लाख ५९ हजार ४ सय २९, लायन्स क्लबका सदस्यबाट संकलन गरिएको रकम ६ लाख १० हजार, रमाईलो मेलाबाट ५१ हजार रुपैयाँ संकलन भएको जनाईएको छ।
यस्तै भलिबलको टिम दर्ता शुल्कबाट ४८ हजार, कलाकारबाट सहयोग रकम ६३ हजार १ सय पचहत्तर, स्टल भाडा वाफत २ लाख ४० हजार, विजयमुर्ति महाराजबाट सहयोग रकम ७५ हजार, आयुष सिंह ठकुरिबाट ५० हजार, लोक बहादुर चलाउनेबाट १० हजार र स्थानीय तह तथा सामाजिक विकास मन्त्रालयबाट ४३ लाख ५० हजार गरि ९३ लाख ६ सय चौवन्न रुपैयाँ संकलन गरिएको छ।
यस्तै व्यय तर्फ कलाकारको पारिश्रमिक १३ लाख ९५ हजार ५ सय, पिंकि टेन्ट हाउस ८ लाख, बाध्यबाधन ८९ हजार, सुरक्षा निकाय १ लाख ७८ हजार, प्रिन्टिङ स्टेस्नरी ४ लाख २० हजार, भलिबल खेलको खर्च ५ लाख १ हजार ३ सय २०, यातायात तथा ईन्धन २ लाख ९५ हजार १ सय २७, विविध सामान खरिद बिलबाट ८७ हजार ५ सय २०, मैदान निर्माण ३३ हजार ८ सय ४०, आवास तथा भोजन २ लाख ४३ हजार २ सय १५ गरि जम्मा खर्च ४० लाख ५८ हजार ५ सय २२ भएको सार्वजनिक गरिएको छ।
बचत नगद २ लाख ६६ हजार ७ सय २ रुपैयाँ र उठ्न बाँकि रकम ४९ लाख ७५ हजार ४ सय ३० गरि ५२ लाख ४२ हजार १ सय ३२ रुपैयाँ बचत भएको सार्वजनिक गरिएको छ। माघ २६ गते देखि फाल्गुन ४ गते सम्म गरिएको छैठौं साँफेबगर महोत्सवको मुख्य उद्धेश्य बयालपाटा अस्पतालमा ब्लड बैंक स्थापना गर्ने रहेको थियो।
लायन्स क्लब अफ साँफेबगरका अध्यक्ष कृष्ण कुँवरले यथाशिघ्र बयालपाटा अस्पतालमा ब्लड बैंक स्थापना हुने काम संचालन हुने बताउनु भएको छ।
फाल्गुण २९ गतेको बैठकमा लायन्स क्लब अफ साँफेबगरलाई छैठौं साँफेबगर महोत्सव सम्पन्न गर्न मत्वपूर्ण सहयोग गर्ने सामाजिक विकास मन्त्रालय, पर्यटन मन्त्रालय, स्थानीय तहहरु, जनप्रतीनिधी ज्युहरु, सरकारी कार्यालयहरु, संघ, संस्थाहरु, व्यवसायिक कम्पनिहरु, नीजी अस्पतालहरु, सुरक्षा निकायहरु, विभिन्न पेशाम आवद्ध रहेका कर्मचारी, विध्यालय परिवार, व्यवसायी, स्थानीय झाँकी प्रस्तुत गर्ने कलाकारहरु, रक्तदान गर्ने रक्तदाताहरु, वाणिज्य कार्यालय मंगलसैन, बैंक तथा वित्तिय संघ संस्थाहरु, ईन्सोरेन्स कम्पनिहरु, पत्रकार लगाएत प्रत्यक्ष वा अप्रत्यक्ष सहयोग गर्नु हुने सम्पूर्णलाई मुल आयोजक समितीले धन्यवद ज्ञापन गरेको थियो।
