साँफेबगर।
अछामको साँफेबगर स्थित हातेमालो बहुउद्देश्यीय सहकारी संस्था लि. साँफेबगरद्वारा ४९ जना सहकारी संस्थाका शेयर सदस्य कृषकहरुलाई प्रथम किस्ता सहुलियतपूर्ण कर्जा प्रवाह कार्यक्रम अन्तरगत हातेमालो बहुउद्देश्यीय सहकारी संस्थाका शेयर सदस्य कृषकहरुलाई पहिलो किस्ताको चेक हस्तान्तरण गरिएको छ।
सुदूरपश्चिम प्रदेश स्वरोजगार कोषमा स्वरोजगारजन्य व्यवसाय कार्यमा कर्जा प्रवाह गर्नकालागि थोक कर्जा ५० लाख रुपैयाँ उपलब्ध गराई पाउँ भनि गरेको आवेदन अनुसार कोषको तर्फबाट हातेमालो सहकारीलाई १ प्रतिशत व्याज दरमा कर्जा स्वीकृत गरिएको थियो। सहकारीले ४ प्रतिशत व्याज दरमा स्वरोजगार व्यवसाय संचालन कर्जा व्यवसाय संचालनका लागि आफ्ना ४९ जना शेयर सदस्य किसानहरुलाई खुद्रा व्यापार, पशु पालन, मासु पसल संचालन, फेन्सी पसल, कुखुरा पालन आदिका लागि पहिलो किस्ताको चेक हस्तान्तरण गरेको छ।
सहकारीका अध्यक्ष सुरत बहादुर भुलको अध्यक्षतामा भएको सहुलियत कर्जा प्रवाह कार्यक्रममा साँफेबगर नगरपालिकाका नगर प्रमुख राजेन्द्र बहादुर कुँवर प्रमुख अतिथि रहनु भएको थियो। प्रमुख अतिथि कुँवरले आजसम्म हातेमालो सहकारीले नमुना योग्य कार्य गरिरहेको बताउनु भयो।
यस सहकारीलाई नगरपालिकाले सक्दो सहयोग गरि राखेको र आगामी दिनमा पनि आवश्यकता अनुसार थप सहयोग गर्ने बताउनु भयो। कार्यक्रममा साँफेबगर नगरपालिका वडा नम्बर ४ का वडा अध्यक्ष नवराज बुढा, सदस्य निता कुँवर, नेकपा एमालेका साँफेबगर नगर कमिटी अध्यक्ष ढकेन्द्र कुँवर, माओवादी केन्द्रका साँफेबगर नगर कमिटी अध्यक्ष रंग बहादुर ठकुल्ला लगायत सुरक्षाकर्मी र पत्रकारहरुको सहभागिता रहेको थियो।
सहकारीका उपाध्यक्ष विजयलक्ष्मी उपाध्यायले स्वागत मन्तव्य राख्नु भएको कार्यक्रमको संचालन कार्य समिति सचिव चेतन गन्धर्व बादिले गर्नु भएको थियो।
साथै सहकारीले भाल्टा कम्पनीको विद्युतीय इन्डक्सन चुल्हो २ हजार सरकारी अनुदानमा, ८ हजार ५ सय पर्ने चुल्होको ६ हजार ५ सयमा आफ्नै सुपथ मुल्य पसलबाट बिक्रि कार्य संचालन गर्दै आएको जनाईएको छ।
