साँफेबगर ।
छैठौं साँफेबगर महोत्सव (शुक्रबार) आजबाट सुरु हुँदैछ। स्थानीय उत्पादन, कला, संस्कृति खेलकुद तथा पर्यटन प्रर्वद्धन भन्ने मुल नाराका साथ महोत्वस सुरु हुन लागेको हो।
लायन्स क्लव अफ साँफेबगर महोत्सव मुल आयोजक समितिले विहिबार पत्रकार सम्मेलनको आयोजन गर्दै महोत्सवको तयारी पुरा भएको जानकारी दिएको छ। महोत्सवको प्रतिनिधि सभा सदस्य वन्द्रि प्रसाद पाण्डेले उद्घाटन गर्ने कार्यक्रम रहेको छ। महोत्सव मुल आयोजक समितिका संयोजक कृष्ण कुँवरले जिल्लाको कला संस्कृति स्थानीय उत्पादनको प्रर्वद्धनको लागि महोत्सवको आयोजना हुन लागेको जानकारी दिनु भयो।
महोत्सवका माध्यमबाट स्थानीय तथा राष्ट्रिय स्तरमा उत्पादित दैनिक उपभोग्य एवम औद्योगिक वस्तुहरुको प्रर्वद्धनमा सहयोग पुग्ने, बजार विस्तार एवम नयाँ वस्तु उत्पादन गर्ने अवसर श्रृजना गर्ने उद्धेश्य रहेको बताउनु भयो। महोत्सवबाट भएको आम्दानीले बयालपाटा अस्पतालमा व्लड वैंक स्थापना गर्ने रहेको उहाँको भनाई रहेको छ। छैठौं साँफेबगर महोत्सवमा करिब ५० लाख आम्दानी हुने लक्ष्य लिईएको छ।
महोत्सवमा ५० स्टल रहेका छन्। उद्घाटन समारोहका विभिन्न विद्यालयको झाकी, साँफेबगर नगरपालिकाका केहि वडाका प्रस्तुति रहने छन्। विगतमा आयोजना भएको महोत्सवबाट एरर्पोट सञ्चालन, बजार विस्तार, पयर्टकीय क्षेत्रमा टेवा पुगेको यो महोत्वस बयालपाटा अस्पतालमा व्लड वैंक स्थापना गर्ने उद्धेश्य रहेको जानकारी दिनु भयो।
उहाँले वर्ष २०२४ मा बयालपाटा अस्पतालमा व्लड वैंक स्थापना स्थापनाको लागि प्रदेश सरकार देखि लायन्स क्लवको केन्द्रसंग छलफल भएको धारणा व्यक्त गर्नु भयो। महोत्सवमा सुदूरपश्चिमका कलाकार चक्र बम, आशिष महर, टंक तिमिल्सैना, लाल बहादुर धामी, झरना बोहरा, रोजी कुँवर, राष्ट्रिय स्तरका कलाकार रमेशराज भट्टराई, रचना रिमाल, समिक्षा अधिकारी, अस्मिता अधिकारी, रामजी खाँड, ज्योति मगर, टीका सानु, करिष्मा ढकाल लगायतका कलाकारले आफ् प्रस्तुती राख्ने छन्।
महोत्सवमा फागुन १ गतेबाट पालिका स्तरीय भलिबल प्रतियोगिताको पनि आयोजना हुने भएको छ।
