साँफेबगर नगर कार्यपालिकाको चौथो वैठक सम्पन्न

स्थानीय समाचार

Home
स्थानीय समाचार
साँफेबगर नगर कार्यपालिकाको चौथो वैठक सम्पन्न

साँफेबगर नगर कार्यपालिकाको चौथो वैठक सम्पन्न वैद्यनाथ धाममा आयोजना हुने कोटी होममा १० लाख ५० हजार सहयोग गर्ने निर्णय

Sanfebagar.jpg

साँफेबगर ।

साँफेबगर नगर कार्यपालिकाको चौथो बैठक सम्पन्न भएको छ। नगर प्रमुख राजेन्द्र बहादुर कुँवरको अध्यक्षतमा बैठक सम्पन्न भएको छ।

बैठकले वैद्यनाथ धाममा फागुन १० गते देखि २५ गतेसम्म आयोजना हुने कोटी होममा १० लाख ५० हजार सहयोग गर्ने निर्णय गरेको छ। यस्तै कार्यपालिकाको बैठकले नगरको १२ औं अधिवेशन आयोजना र नगरको सार्वजनिक सुनुवाई गर्ने विषयमा कार्यपालिकाको १९ गते बस्ने बैठकले निर्णय गर्ने नगरपालिकाका प्रवक्ता मक्कर बहादुर कुँवरले जानकारी दिनु भयो।

बैठकले वडा नम्बर ४ मष्टमाण्डौलाई बालमैत्री वडा घोषणा गर्ने, महिला माथि हुने हिंसा न्यूनीकरणको लागि १४ वटै वडामा जनचेतनामुलक कार्यक्रम गर्ने, कोल्ड स्टोर संचालनको लागि पहल गर्ने लगायतका निर्णय गरेको प्रवक्ता कुँवरको भनाई रहेको छ।

बैकमा नगर कार्यपालिका सदस्यहरुले वडाको रिपोटिङ गरेका थिए। बैठकमा उपप्रमुख शिव बहादुर कुँवर शिलोज, प्रमुख प्रशासकीय अधिकृत लक्ष्मी प्रसाद शर्मा लगायत कार्यपालिका सदस्यहरुको सहभागिता रहेको थियो।

प्रकाशित मिति: मंगलबार, पुस १७, २०८० ०९:४३

प्रतिक्रिया दिनुहोस्