साँफेबगर।
साँफेबगर नगरपालिका वडा नम्बर १३ बाब्ला स्थित श्री राष्ट्रिय माध्यामिक विद्यालयमा माध्यामिक विद्यालय स्तरिय समन्वयात्मक कार्यक्रम सम्पन्न भएको छ। वाक नेपालद्धारा संचालित सामाजिक रुपान्तरणका लागि महिला सशक्तिकरण परियोजना अन्तरगत माध्यामिक विद्यालय स्तरिय समन्वयात्मक कार्यक्रम सम्पन्न भएको हो।
समन्वयात्मक कार्यक्रममा मार्फत विद्यालयमा बालबालिकाहरुको नियमित तथा अनियमितता, फरक क्षमता भएका बालबालिकालाई विद्यालयको पहुँचमा पु¥याईने, कुन टोलका विद्यार्थीहरु विद्यालयमा नियमित छन् वा छैनन् त्यसको खोजी गर्ने, सरसफाई छन् वा छैनन् लगाएतका विषयमा छलफल गरिएको थियो।
यदि बालबालिकाहरु विद्यालयमा नियमित छैनन् भने त्यस्तो टोलमा गठन भएका आत्मानिर्भर समुहमा छलफल गरि उनीहरुलाई विद्यालयमा उपस्थिति गराउने विषयमा छलफल गरिएको थियो। विद्यालयमा राष्ट्रिय माध्यामिक विद्यालय व्यवस्थापन समितिका अध्यक्ष पदम रावतको अध्यक्षतामा भएके समन्वयात्मक बैठकमा विद्यालयका निमित्त प्रधानाध्यापक रमानन्द जोशी, शिक्षक बोराज खनाल, गाविन्द रावत विद्यार्थी लगाएको उपस्थिति रहेको थियो।
कार्यक्रमको उद्धेश्य बारे वाक नेपालका कार्य समिति सदस्य छत्रमान ताम्राकारले जानकारी गराउनु भएको थियो।तालिमको सहजीकरण वाक नेपालद्धारा संचालित सामाजिक रुपान्तरणका लागि महिला सशक्तिकरण परियोजनाका सहजकर्ता पार्वती पुनमगरले गर्नु भएको थियो।
यस्तै उक्त कार्यक्रम साँफेबगर नगरपालिका १३ बाब्लासंग पनि सम्पन्न भएको जनाईएको छ। उक्त कार्यक्रममा कार्यबाहक वडा अध्यक्ष बसन्ती बिष्ट, वडा सदस्य बल बहादुर साउँद हंश साउँद, बिरु सुनार, राष्ट्रिय माध्यामिक विद्यालयका प्रधानाध्यापक तिलक कुँवर लगाएतको उपस्थिति रहेको थियो।
