साँफेबगर ।
वाक नेपालद्धारा संचालित सामाजिक विकासका लागि महिला सशक्तिकरण कार्यक्रमको समन्वयात्मक बैठक साँफेबगर नगरपालिका वडा नम्बर १० घुघुरकोटमा सम्पन्न भएको छ। वडामा रहेका पिछडिएका तथा पछि परेका महिला तथा बालबालिकाको सामाजिक, आर्थिक क्षमता बृद्धि विकास गर्ने उद्धेश्यले सामाजिक विकासका लागि महिला सशक्तिकरण कार्यक्रम संचालन गरिएको हो।
मंगलबारबार साँफेबगर नगरपालिका वडा नम्बर १० घुघुरकोटका वडा अध्यक्ष ललित बोगटीको अध्यक्षतामा भएको समन्वयात्मक बैठक मार्फत परियोजनाको विस्तृत जानकारी तथा अहिलेसम्म भए गरेका क्रियाकलापहरुको समिक्षा गरिएको थियो।
बैठकमा बोल्दै वडा अध्यक्ष बोगटीले कार्यक्रमको उद्धेश्य राम्रो रहेकाले आफूहरु वडाबाट गर्न सकिने सहयोग गर्न तयार रहेको बताउनु भएको छ। उहाँले सबै टोलमा गठन भएका आत्मनिर्भर समुहलाई प्रभावकारी बनाउन आवस्यक रहेकाले सबैको सहयोग महत्वपूर्ण हुने बताउनु भयो।
बैठक तथा परिचयात्मक कार्यक्रममा वडा सदस्य भुपेन्द्र बहादुर महता, उर्मिला खड्का, हस्त भुल, मथुरा बि.क. पूर्व अध्यक्ष लाल बहादुर खड्का, स्वास्थ्य चौकी इन्चार्ज बम प्रसाद भट्ट, वाक नेपालका महासचिव अप्सरा कुँवर, सामाजिक विकासका लागि महिला सशक्तिकरण कार्यक्रमका असधकृत सत्य स्वार, लेखापाल पुजा साउँद, विभिन्न टोलमा गठित आत्मानिर्भर समुहका पदाधिकारीको सहभागिता रहेको थियो।
बैठकको संचालन वाक नेपालद्धारा संचालित सामाजिक विकासका लागि महिला सशक्तिकरण कार्यक्रमका सहजकर्ता अप्सरा बुढा महताले गर्नु भएको थियो।
